هنتكلم عن حاجه خطيرة جداااااااااااااا جدا جداااااااا
لسانـــــــــــــــــك
اخبار لسانك ايه؟؟
سؤال غريب مش كده
قال رسول الله صلى الله عليه وسلم: ( من كان يؤمن بالله واليوم الاخر فليقل خيرا او ليصمت)
يعني ياتقولي حاجه كويسه ياتسكتي احسن ...دا مش كلامي دا كلام رسولك عليه افضل الصلاة والسلام
بصي ياقمراية
اللسان دا نعمة من ربنا عز وجل زيه زي عينك وودانك وعقلك وقلبك وكل حاجه فيكي نعمة
ينفع بقى يكون ربنا مديكي هدية تقومي انتي تلوثيها وتبوظيها؟؟؟
معقول الكلام دا هو حد يطول ان ربنا يديله هدية
دا بدل ما تحافظي عليها جوا عينك وقلبك
لا بتبوظيها وتدمريها وكماااااااااان هتخليها تشهد عليكي يوم القيامه وتقول لربنا ايوة فلانه دي دمرتني واستخدمتني لحاجه وحشه وانا مش هسامحها
كثرة الكلام ...هتوصلك ل...كثرة ذنوووووب
وكثرة الذنوب.....هتوصلك ل......الناااااااار
فقد قال عليه الصلاة والسلام ( وهل يكب الناس في النار على وجوههم الا حصائد ألسنتهم
يابنات ارجوكم الكلام دا خطير جداااااااا حاجات انتي شيفاها تافهه وبتقولي لنفسك معقول يعني ربنا يزعل مني عشان خاطر بفضفض شويتين لالا متوصلش لدرجه النار يانسمة بلاش تعصب
والله والله والله العظيم انتي كده بتعملي كبيرة من الكبائر
ايواااااا الغيبة والنميمه كبييييييييييييييرة
يعني متساويين عند ربنا زيهم زي عقوق الوالدين وزي ترك الصلاة وزي الزنا والعياذ بالله وزي القتتتتتتتل تخيلي!!!
يعني انتي ممكن تكوني كل يوووووووم لا كل شويا بتعملي كبيرة من الكبائر وانتي ولا هنا
بتضيعي صلاتك وصيامك وكل حاجه حلوة بتعمليها بلسانك
هنعرف النقط دي سوا:
يعني ايه غيبة ويعني ايه نميمه؟؟ وايه الفرق بينهم؟
ايهما اشد الغيبة ام النميمه؟
خطووووووورة الغيبة والنميمه
حالات يجوز فيها الغيبة والنميمة
الاسباب ايلي بتخليكي تعملي الغيبة او النميمه
لو سمعتي صحبتك بتغتاب او بتنم دورك هيبقى ايه؟
ازاي اعالج نفسي منهم؟
هل ليها توبة ولالا عند ربنا؟
اولا يعني ايه غيبة ويعني ايه نميمه؟؟ وايه الفرق بينهم؟
الغيبة : : ذكرك أخاك في غيبته بما يكره
يعني انك تيجي تتكلمي عن صحبتك او اختك او حماتك مثلااااااا وتقولي كلام وحش عنهم سواء كان الكلام دا فيهم او لا دي قصه تانيه بس عموما كونك تجيبي ف سيرة حد بكلام وحش متقدريش تقوليه ف وشه يبقى دي كده غيبة لانه مش موجود فمش هيقدر يدافع عن نفسه
عن أبى هريرة رضى الله عنة أن رسول الله صلى الله علية وسلم قال أتدرون ماالغيبة ؟ قالوا الله ورسولة اعلم .: ذكرك أخاك بمايكرة : قيل أفرايت ان كان فى اخى ما اقول ؟ قال . إن كان فية ماتقول فقد اغتبتة . إن لم يكن فية ماتقول فقد بهتة ) اى ظلمتة بالباطل وأفتريت علية الكذب
النميمة بقى: فهي نقل كلام بين شخصين او اكثر ممايثير الفتنة والمشاكل بين الناس
يعني مثلا مي وفرح قاعدين سوا
راحت مي حكت لفرح عن صحبتهم التالته مروة وقالتلها اسكتي يافرح دي مروه بتقول عليكي انك بخيله وانانيه ووو بس انا مسكتلهاش والله دانا دافعت عنك ورديت غيبتك اي خدمه ياستي يلا
تفتكروا رد فعل فرح هيبقى ايه؟؟
اكيد هتشيل من مروه وتدايق منها ولو هي جريئه شويا هتروح تواجهها وتقولها انتي ازاي تقولي عليا كده ويتخانقوا
وهيبقى مين السبب؟؟؟؟؟
السبب هتبقى مروة يانسمة لانها هي ايلي اتكلمت وحش عن فرح فتستاهل ايلي يجرالها بقى
لا ياقمررررر
السبب الاساسي هي مي لانها ايلي نقلت الكلام واتسببت في كراهيه بين اتنين
يعني لو كانت مروه غلطت انها قالت كده واغتابت صحبتها فمي غلطتها اكبرررررررررر عند ربنا تخيلي
ودا هيودينا لنقطه انهي اخطر الغيبة ولا النميمة؟؟
اعتقد الاجابة وضحت
النميمة اخطر
لانها ممكن تتسبب في تفرقه بين الناس وكراهيه وحسد وفتنه فظييييييييييعه
وحتى ربنا بيقولك: الفتنة اشد من القتل
طب استني بس يانسمة انا مش فاهمه كده ايه الفرق بين الغيبة والنميمه؟؟
بصي هو مفيش فرق واضح اوي يعني فرق دقيق جداااااااااااااااا
الغيبة انك مثلا تحكي لصحبتك عن حد وتقولي صفاته الوحشه
النميمة ان صحبتك بقى تروح للحد دا وتقوله دي قالت عنك كذا وكذا ( وطبعا نيتها وحشه اووووووي )
اصل صدقيني انتي مش هتروحي تحكي لصحبتك عن صحبتك التانيه انها قالت عنها كلام وحش الا لو انتي قصدك حاجه وحشه اووووي زي انك توقيعهم في بعض او انها تحبك انتي اكتر منها ....
الرئيسية
اليومية
