ى انتي مواصفاتك ايه في شريك حياتك المنتظر؟

هنتكلم انهارده عن شريك حياتك
وهنتكلم ف النقط دي:
* مواصفاته
* البنوته ايلي اتاخرت في الزواج تعمل ايه

* الاستخارة
*موافقه الاهل

اولا المواصفات
هسالك سؤال بقى انتي مواصفاتك ايه في شريك حياتك المنتظر؟
ايلي هتقولي انا عيزاه روش وستايل وامووووور وطويل
وايلي هتقول متدين وبس
وايلي هتقول عيزاه مثقف ويتحمل المسئوليه

بصي بقى يا ست البنات مواصفاتك دي على عيني وراسي ومش هتكلم عنها بس انا هحاول اوجهك لصفات اساسيه اووووووووووووووووووووعي اووووووووووووووووعي تضحي بيها مهما كان ومهما كانت الاسباب
1/لازم يكون متدين لاااااااااااااااااازم ودي صفه اجبارية معلش
يووووه بقى يا نسمة متدين يعني هيخنقني وكئيب وملل وانا ايه غاصبني هو انا ناقصه نكد
لا للاسف انتي فاهمه التدين غلط

انا مش بقولك اختاري واحد متعصب في الدين ومتزمد
لا
يكون وسط / على الاقل حد ادني للتدين يكون بيصلي فروضه الخمسه ..دي اقل حاجه اعتقد
اوووعي ترضي بواحد مبيصليش
اوعي توافقي بيه وانتي عارفه انه بيعمل كبائر وربنا غاضب عليه
اختاريه اب لاولادك دا مش مجرد عريس
وخدي بالك ان ربنا هيسالك عن اختيارك يوم القيامه هيقولك انتي اخترتي ميييييييين لولادك يربيهم؟؟
ولادك ان شاء الله بعد كده لما يكبروا ويلاقوا ابوهم مش بيصلي هيقلدوه وهيطلعوا زيه لان العرق دساس ووقتها هتدايقي اوي والسبب انتي لان اختيارك غلط من البدايه
بصي الحديث دا قال رسول الله عليه الصلاة والسلام (إذا جاءكم من ترضون خلقه ودينه فزوّجوه، إلا تفعلوه تكن فتنة في الأرض وفساد كبير)

خدي بالك انه ممكن يكون متدين وبيصلي ويصوم وبيقرا قرءان وكل حاجه واخلاقه وحشه!! او العكس
علشان كده رسولك قالك الدين+ الخلق دا الاســـــــــــاس ايلي مينفعش تغمضي عينك عنه
ومتقوليش انا هتجوزه كده وهبقى اساعده يتغير ويبقى كويس بعد الجواز!!
طب ما يتغير دلوقتي ..ولا ايه علاقة تدينه بالجواز اصلا ..ولا دي حجه؟؟!!

طب ليه يانسمة لازم يكون متدين؟؟
هقولك ببساطه لانه لو حبك هيكرمك اووووووووي ولو كرهك مش هيظلمك
طيب افرضي يانسمة اتقدملي واحد وانا معجبه بيه وعيزاه بس هو مش متدين وانا بحبه ...اعمل ايه؟
شوفي كده لو كان عنده استعداد يبقى متدين

طب انا هعرف ازاي يا نسمة؟

والله بيبان ياقمر لما تلاقيه بيقولك حاضر هتقرب من ربنا وهصلي وتلاقيه مبيصليش (كلامنجي)
او تلاقيه بيقولك حاضر وتلاقيه عمل خطوة ايجابيه وصلى او بدا يحط نفسه على اول الطريق هقولك مبروك عليكي ان شاء الله ...غير كده لا ...اوعي تخدعي نفسك وتقولي هاخده واتجوزه وهخليه يتقرب من ربنا ..متلعبيش على حاجه مش مضمونه..ايه غاصبك

هو حد لاقي عرسان يا نسمة؟
لو كل بنت مشيت بالمنطق دا ياجميل يبقى خلاص عليه العوض في البنات هتتجوزيه اه وكل حاجه ومش هيبقى اسمك عانس

بس تفتكري لما يبقى اسمك مطلقه لا قدر الله..هيعجبك الحال
وياريت ع اللقب وبس هتكوني مريتي بتجربة قاسية لحد ما وصلتي لطلاقك انيت ف غنى عنها
متخليش لهفتك ع الجواز تخليكي ترضى باي حد وخلاص
لازم تعرفي انك غاليه جداااااااااا وربنا كرمك اووووووووي كبنت وحافظ على مشاعرك بلاش تهيني نفسك بايدك
يبقى كده التدين صفه اساسيه واولى لازم تبقى ف شريكك

طيب رقم 2 ايه ياترا؟؟
التكافؤ (اجتماعي /ثقافي/ديني/مادي)
مينفعش تبقى انتي اعلى منه في الثقافه او تعليمك اكبر منه يعني مينفعش انتي تكوني ليسانس وحركات جامده كده وهو دبلوم /هو لو اعلى منك اوك
بالنسبة للمستوة المادي مش اساسي اوي طالما في تكافؤ في الثقافه والمستوى الاجتماعي (الحسب والنسب يعني زي ما بيقولوا)

3 / السن
بصي بقى ياقمر
ينفع الراجل يبقى اكبر من الست طبعا بس اقصى حاجه 8 او 10 سنين وحطي تحت كلمة اقصى 100 خط ودا كلام العلماء مش كلامي
طب ياترا بقى ينفع الست تبقى اكبر من الراجل؟؟!!!
اه..تخيلي اه!! بس بشرطين
الاول ان الست تكون ناضجه في تفكيرها يعني متحسش بقى انها اكبر من الراجل يبقى هو ملوش كلمه وتعايره بيها كل شويا
التاني ان الراجل يكون ناضج برده وعاقل ودماغه عاليه عشان ميحسش انه صغيره في مقامه قدامها

يبقى كده اختصار للمواصفات ..حطي المواصفات دي اول مواصفاتك اوعي تتنازلي عنها
1/ متدين (ع الاقل بيصلي ويصوم ومش بيشرب سجاير)
2/ الشكل لازم يكون مقبول انا مش بقول امور اوي ولا عكس كده والله الشكل مهم جدااا للارتياح النفسي وبالتالي بعد كده الحب
3/ المستوى الاجتماعي والثقافي (تفكيره يكون قريب من تفكيرك مش اقل ابدااااااا لانك هتحسي بعد كده انه ف نظرك غبي وانك اعلى منه ف تفكيرك وشهادتك ومستواكي)
كملي انتي بقى باقي المواصفات زي ما تحبي

ليه البنات بتتأخر في الجواز؟
انا جميله يا نسمة ومتدينه وطيبه ومعايا شهاده كبيرة بس لسه متجوزتش
طب ليه متجوزتيش؟
ايلي هتقولي اصل محدش بيجيلي
وايلي هتقول اصل ايلي بييجي مش مناسب ليا

اعمل ايه يانسمة؟؟
هقولك
لازم تفهمي ان مفيش بايدك حاجه تعمليها مش معقول يعني هتعملي اعلان وتقولي عايزة عريس زي ما بنشوف البنات بمنتهى الجرأة مش عارفه ايه دا
الحل الوحيد ايلي ف ايدك هو التوكل على الله
ديما افتكري الحديث ( رفعت الاقلام وجفت الصحف)
يعني افهمي ان اسم جوزك اتكتب خلااااااااص عند ربنا ...اهدي كده متقلقيش ربنا مقدرك حاجه لازم تشوفيها
اوعي ثقتك في نفسك تتهز... لازم تعرفي ان ربنا ايلي خلقك مش هينساكي مستحيييييييييل ينساكي
هو بس مأخر عليكي نصيبك عشان شايلك حاجه حلوة اووووووي هتفرحي بيها بس الصبر (مش بيقولوا كل تأخيرة وفيها خيرة)

ربنا ارحم بيكي من اي حد ومن ابابكي ومامتك ومنك انتي شخصيا على نفسك!!!

وبجانب التوكل بقى حاولي تحتكي بالناس
بلاش الانغلاق والوحده ايلي انتي فيهم
غيري من نفسك شويا خليكي اجتماعيه
لو عندك مشكله نفسية في انك مش عارفه تتقربي من الناس خدي كورسات تنمية بشريه والله مفيده اووووووووي او اقريها ع النت او اقري كتب تنميه بشريه واتعلمي ازاي تكوني اجتماعيه
متقفليش على نفسك وتحطي ايدك على خدك وتقولي اديني اعده مستنيه اعمل ايه يعني!!!
لا اعملي اخرجي مع ماما او بابا او اختك او اخوكي او بنت من قرايبك اخرجي هنا وهنا
اشتركي في النادي وروحيه مع حد كبير او حد محترم بتثقي فيه ..فيها ايه لما تروحي النادي بكل ادب واحترام ..
معقول يا نسمة هصطاد عريس هي حصلت ؟
لا خلي نيتك انك بتروحي النادي ويتتقربي لدا ودي عشان تكوني اجتماعيه وتقوي شبكه علاقاتك بالناس وبجيرانك دا النبي وصى بالجار خلي لسانك ينقط سكر مع الناس خليكي مرحه الابتسامه متفارقش وشك مش ماشيه وبوزك شبرين !!!
دا حتى الابتسامه صدقه والكلمه الحلوة صدقه
وكده كده انتي نصيبك مكتوب خلاص بس ما عليكي غير انك تسعي وتتوكلي على ربنا مش هيخيبك ابدااااااااا

وكلامي دا للاهل
بلاش التعقيدات ايلي انتو فيها معلش يعني بلاش تطلبوا من العريس طلبات فوق طاقته دا الرسول قالكم شرط الموافقه خلقه ودينه ..الطلبات دي حاجات الناس اخترعتها وامنت بيها ....
وبرده عليكي وصلة الرحم
والله انا كتير اسمع عن شاب من عيله محترمه بيدور على عروسه ويقعد يدور على عروسه بمواصفاته هنا وهنا مع ان هو له قريبه بنت خالته بنت خاله بنت عمته .... نفس مواصفاته بس هي غايبه عن باله وتلاقي بص لبرا لانه ببساطه ميعرفهاش مش بيشوفها مع انها قريبته ...وكل دا ليه بسبب صلة الرحم ايلي بتضعف
زمااااان كان لما عريس ييجي يتجوز تقليدي ويوصي ناس تدورله على عروسه متدينه بنت ناس كانت الجيران اول ناس يقولوا دا احنا نعرف فلانه بنت فلان جارتنا ساكنه اول الشارع بس بنت ممتازه...راحوا فين الجيران دي..موجودين بس العلاقات بين الجيران بين الناس الكبيره (الاهل يعني ) بتختفي


استني يانسمة..بصراحه انا بحب واحد وخايفه اقولك كده من الصبح تقوليلي ان كده حرام ..بس والله انا نفسي اتجوزه في الحلال
استنوا عليا بقى انتو لان دي مشكله جامده اوي عامله ربكه وبوليكه في دماغ الناس كلها
براحه كده ووحده وحده
هو الحب حرام؟؟؟؟ لأ والف لأ الحب مش حرااااااااااااام
افهموا بقى وبلاش تعسف وخلاص الحب مش حرام لانه غريزه ربنا انعم علينا بيها ومش معقول نقول على غريزة ربنا حرام!!!!
الحب حرام في حاله واحده بس
لو الحب دا وصلك للانحراف او انك تعملي حاجه حرام تغضب ربنا ولعلمك الصحوبية حرام جداااااا
مفيش مانع انك تحسي بميول ناحيه شخص معين او انك معجبه بيه او انك بتحبيــــــه
شوفي القصه دي كده وقوليلي رايك (قصه جواز السيدة خديجه من اشرف الخلق عليه الصلاة والسلام)
كانت في مرة السيده خديجه قاعده مدايقه وسرحانه بتفكر
دخلت عليها صديقتها السيده نفيسه وسألتها..مالك؟
بصي بقى حلاوة كلام السيده خديجه واسلوبها الراقي : اري يا نفيسه في محمد ما الا ارى في غيره من الرجال ..ارى فيه خلق وعقل وامانه وصدق...وارى فيه شيئا عجبا..
فالسيده نفيسه حست وفهمت وقالتلها: ايه رايك يكون زوجا لكي؟؟
فردت عليها السيد خديجه وقالتلها ازاي
فالسيده نفيسه قالتلها فيما معناه يعني انا هتصرف سيبيها عليا وراحت لسيدنا محمد (شوفي الحوار بينهم)
السيده نفيسة: يا محمد الا تتزوج؟
اشرف الخلق: ليس معي ما اتزوج به..
السيده نفيسه: ارءيت ان كان معك وفوق ذلك الحسب والنسب والجمال والعفه
اشرف الخلق: ومن هذه؟
قالت: خديجه بنت خويلد
قال: وهل ترضى؟؟
قالت:دعني اسألها!!!
طبعا انتو عارفين باقي الحكايه بس انا هقف هنا لسبب
عايزة افهمك حاجه
اولا الحب مش حرام مش حرام ولا عيب انك تحبي ولا عيب انك تقولي انا بحب الشخص دا لان دي مشاعرك محدش يقدر يسخر منها او يستهون بيها بس العيب انك تروحي للشخص ايلي بتحبيه وبكل بجاحه (سوري يعني ) تقوليله انا بحبك!!!! ولا حتى تلمحيله... لانه ببساطه ممكن يكسفك وعشان اجمل حاجه في البنت هو حيائها ودي الحاجه ايلي بتشد اي راجل ليكي
اوعي تصدقي الناس ايلي بيقولوا ان الرجاله دلوقتي عايزين واحده وشها مكشوف مش بتتكسف ..لا والله الكلام دا غلط جدااااا
دا الاسلام كرمك بالحياااااء عشان يحافظ عليكي بنوته رقيقه قطه ..فمتضيعيش كرامتك بايدك وتيجي تعيطي وتقولي انا انجرحت
شوفتي السيده خديجه عملت ايه؟؟
ها ايلي بيقولوا الحب حرام لسه مش مصدقين انه مش حرام طالما مفيش حاجه تغضب ربنا
شوفتي السيده خديجه لما حست انها بتحب الرسول عليه الصلاة والسلام عملت ايه؟؟ دخلت وسيط بطريقه غير مباشرة
وشوفتي السيده نفيسه اتصرفت بذكاء فظييييييييع ازاي مع سيدنا محمد عشان تحافظ على صورة السيده خديجه ..عرفت تعززها كانت حكيمه اووووي


لازم تعرفي ان تركيبة دماغ الراجل فيها حاجه غريبه سبحان الله
يعني لو البنت راحت تصارحه مثلا وتحاول ترمي نفسها عليه بتسقط من نظره علطووووووول حتى لو كان بيحبها وكان ناوي يتجوزها (هو كده تركيبته كده ربنا خلقه كده فعلشان كده ربنا عززك وحافظ عليكي