بصوا بقى انهارده هنتكلم في موضوع مهم اووووووووووووووووووووووي
يخصك ويخص كل الناس ويخص الهم ايلي احنا فيه
الاول عايزة اسالك كام سؤال معلش
انتي خايفه؟؟
يعني خايفه على بكرا ياترا هيحصلي ايه؟
تعبانه؟؟ مهمومه؟؟ قلقانه؟؟
طيب بعد اذنك بقى كل بنوته دلوقتي تقول خايفه او قلقانه من ايه ف حياتها؟؟
انا يا نسمة خايفه اوي لحسن متجوزش اصل مفيش عرسان وحتى لو اتجوزت خايفه اطلق او جوزي يطلع مش كويس
وانا يانسمة خايفه اصل انا بقالي كتير متجوزة ولسه مخلفتش فقلقانه ديما ومهمومه
وانا بقى يا نسمه خايفه حال بلدنا اوي مش عارفه احنا رايحين على ايه ياترا اصل مفيش حاجه مبشرة ابدا
وانا خايفه منجحش
وانا خايفه مشتغلش او يحصل مشكله ف شغلي واسيبه
خايفه على عيالي من اي مرض او فشل في حياتهم
خايفه على جوزي او خطيبي او حتى يجرالنا حاجه
خايفه من المووووووت اووووووي ومن يوم الحساب ومن ذنووووبي
خايفه من المستقبل
خايفه مفرحش ابدا او حتى لو فرحت فرحتي تضييييييييييييع
!!!!!!!!!!
ها يا بنات حد خايف من حاجه تاني مين يزود
طيب مش المفروض قبل ما نشوف حل للخوف والقلق دا نشوف سببه ايه؟؟
الشيطــــــــان
يووووه يا نسمة هو كل حاجه الشيطان الشيطان ما تسيبيه ف حاله متجريش شكله
استني
هو انتي فاكرة ان كل هدف الشيطان يبعدك عن ربنا ويدخلك النار والعياذ بالله؟؟؟؟
لأ و1000 لأ
الشيطان اساسا بيكـــــــــــــــرهك
طول الوقت بيفكر ازاي يتعسك ويقرفك في عيشتك حتى لو فشل انه يبعدك عن ربنا بيقول لنفسه خلاص اخليها عايشه قلقانه لان القلق هيجيب تعاسه وحزن وهم ووقتها لما يلاقيكي حزينة يبدا هو يرقص ويطلعلك لسانه
الحل اييييييييييييييه يا نسمة انجزي بقى رغايه صحيح
الحل ...عباااااااااده يعني هتضربي عصفورين بحجر واحد هتتخصلي من همك وقلقك وخوفك وفي نفس الوقت هتاخدي حسناااااااااااات لانك بالحل دا بتعبدي ربنا بس بطريقه حلوة اووووووووووووووي (عبادة القلب )
حســــــــــن الظـــــــــــــــــن بالله
قال رسول الله عليه افضل الصلاة والسلام" أَنَا عِنْدَ ظَنِّ عَبْدِي بِي فَلْيَظُنَّ بِي مَا شَاءَ "
انتـــــــي ظنك في ربنا ايه؟؟؟
عمرك سالتي نفسك السؤال دا؟؟
يعني معنى الحديث ان ربنا بيقولك زي ما هتظني فيا هعمل معاكي
انا ظني في ربنا كبير اووووووي انه هيرحمني ويغفرلي وهيجعل قبري روضه من رياض الجنه وهيسامحني ومستحيل يكسر بخاطري ابدااااااااااااا........ فعلا مش هيخذلك وهينصرك
وانا ظني في ربنا انه مش هيسامحني اصل انا وحشه ذنوبي كتير وكل ما اتوب ارجع تاني فاكيد زهأ مني ومش هيقبل توبتي خلاص ........ فعلا مش هيسامحك ومش هيغفرلك
سبحـــــــــــــــــــان الله
( انا عند ظن عبدي بي فان ظن خير فله وانه ظن شرا فله)
يعني على حسب نيتك وثقتك في ربنا هيديكي كل ايلي بتحلمي بيه
انتي عارفه ان العلم اثبت ان في 60 الف خاطرة او فكرة بتدخل عقلك كل يوم منهم افكار ايجابيه حلوة ومنهم افكار سلبيه وحشه
حسن ظنك بربنا بقى يقدر يحول الافكار السلبيه لايجابيه..تخيلي!!!
(ابشروا واملوا ما يسركم...........)
ديما فكري في الحاجات الحلوة متسبيش الشيطان والخوف يسيطر عليكي
الدليل على انك بتعبدي ربنا كويس وصح ان عندك حسن ظن بالله كبير
اقولكم حاجه يا بنات
اكيد كللللللنا زعلانين على ايلي بيحصل في بلدنا واول مرة في حياتنا نشوف كمية الظلم والقسوة دي ايلي بين الناس
للاسف انا شايفه كل الناس وانتو كمان معاهم محبطين
حاسين خلاص مفيش امل لمستقبل جميل
متشائمين وشايفين بكرا اسوأ من انهارده وانهارده اسوأ من امبارح
بدئنا نستسلم ونقول خلااااااااص مفيش فايده مصر هتقع هتقع ومفيش امان زي الاول والظلم زااااااااااد اووووووووي والدم زااااااااااد مع اننا مش في حرب يعني احنا مش محتلين!!!!!!!!!!!
لا والله العظيم ما هيحصل ابدااااااااا
فوئوا يا بنات ارجوكم
مصر مش هتقع
كل ظلم وكل ظالم له نهاية
وكل باطل وله حق
وكل حزن ودموع بعدهم فرحه كبييييييييرة
كل ما الحال يضيق اكتر تفائلوا اكتر واكتر!!!!
لان الفرج قرب ...... ان مع العسر يسرا ان مع العسر يسرا
اقسم بالله العلي العظيم بلدنا مش هتضيع وهترجع احسن من الاول
وانا بقسم وبحلف من كتر ثقتي في ربنا الكبيييييييييرة
انا اه بزعل على ايلي بيحصل بس مبخليش الزعل يأثر عليا بالسلب
انا اعرف بنات وناس عموما بعد اخر حاجه حصلت في البلد اتأثروا وجالهم حاله اكتئاب وايلي قالت مش هدخل النت تاني خلاص انا مش هفرح نفسي باي حاجه ومليش نفس لاي حاجه خلاص احنا ضعنا!!!!!!!!!!!
في ايه ؟؟؟؟؟
اسمحيلي اقولك انتي غلطانه
لان ايلي خلقك وخلق مصر مش هينساكي ومش هينسى مصر
فين ثقتك بربنا؟؟؟؟؟؟؟
انتي معنى انك متشائمه فدا لوحده كااااااااااااااارثه ربنا هيحاسبك عليها والله العظيم متستهونيش بالكلام دا
فين كلام ربنا انا عند ظن عبدي بي
يعني حضرتك دلوقتي شايفه مصر هتقع خلاص يبقى هتقع وهتبقى انتي جزء من السبب على فكرة
اما بقى لو كلنا تفائلنا وقولنا يااااااااااارب مصر امانه عندك محدش هيقدر يحافظ عليها غيرك لاننا ضعفا ومش بايدنا حاجه غير اننا ندعيك ... اللهم ارنا في الظالمين ايه ..اللهم اضرب الظالمين بالظالمين واخرجنا منهم سالمين يارب العالمين
هيجرالك ايه لو قولتي كده علطول في صلاتك؟؟
هيجرالك ايه لو حسيتي بتفاؤل ان ربنا مستحيييييييييييييييييييييييييييييييييييييييييل يسكت ع الظلم دا
انتي جرالك ايه ازاي تفتكري ربنا هيسكت؟؟؟ ليه فكرتي كده حرام عليكي
يعني بعقلك دا وظنك بالله معقووووووووول ربنا ينصر الظالم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بصي الايه دي
قال تعالى : وَعَلَى الثَّلاثَةِ الَّذِينَ خُلِّفُوا حَتَّى إِذَا ضَاقَتْ عَلَيْهِمُ الأَرْضُ بِمَا رَحُبَتْ وَضَاقَتْ عَلَيْهِمْ أَنْفُسُهُمْ وَظَنُّوا أَنْ لا مَلْجَأَ مِنَ اللَّهِ إِلا إِلَيْهِ ثُمَّ تَابَ عَلَيْهِمْ لِيَتُوبُوا إِنَّ اللَّهَ هُوَ التَّوَّابُ الرَّحِيمُ
قيسي على كده بقى كل مشاكل حياتك
يعني عايزة تتجوزي عايزة تخلفي عايزة تفرحي عايزة تنجحي عايزة تشتغلي عايزة عايزة
عندك هم كبيييييييييييييييييييير
حاسة بظلم / قلقانه/ خايفه من حد او على حد
وهكذااااااااااا
كل ايلي عندك دا ليهم رب اكبر منهم
ارمي كل حمولك على ايلي خلقك لانه مستحيل يسيبك
مستحيـــــــــــــــــــــــــل يتخلى عنك ابدااااااااااااااا دانتي مسلمه وبتقولي محمد رسول الله
خلاص يبقى ليه انتي فاكرة انك وحشه وربنا مش هيسامحك
صدقيني والله العظيم على حسب ظنك بربنا هيديكي
بصي الحديث الروعه داااااااا
( ان من عباد الله من اقسم على الله لأبره......)
يعني زي مثلا ان ربنا ابتلاكي بهم او مشكله عادي يعني كالعاده
فتقولي والله العظيم ربنا هيحل المشكله دي من عنده وهيفرحني كمان او في الدعاء لما تقولي اقسمت عليك يارب لانت مفرح قلبي
طبعا الحلفان هنا مش تحدي
هيبقى نيتك كأنك من كتر ثقتك في ربنا انه مش هيسيبك وانه هيحلها من عنده فانتي بتحلفي من كتر ظنك ماهو حلو بربنا
هقولك تجيبي حسن الظن بالله ازاااااااااي
1/ ديما لما يكون عندي هم او مشكله او خايفه على حاجه او عايزة حاجه من ربنا
افتكري دعوة دعيتيها قبل كده وربنا استجابها
ايه عايزة تقنعيني ان ربنا مستاجبلكيش ف ولا دعوة!!!!!!!! لالا مصدقش مستحيييييييييييييييل
اي دعوة افتكريها وافتكري ربنا استجابها ازاي وبعد ايه وحسيتي بفرحه ازااااااااي بعد الاجابه؟؟
لما تفتكري الفرحه دي ( اصلها فرحه خاصه اووووووووي) هتتقائلي وتقولي لنفسك اه صحيح دا ربنا موجود وانا بايدي اطلب منه واقوله يارب انا عارفه ومتاكده انك مش هتسيبيني ابدا وهو هيديكي والله بس انتي ادعي وخلي ظنك بربنا كويس
اوعي تدعي وانتي من جواكي ذرة شك ان ربنا مش هيستجيبلك لانه كده فعلا مش هيستجيب وهتبقى انتي السبب فخليكي ذكيه
2/ الذكر
ذكر الله والله هيجيب حسن الظن بالله تلقائيا من غير ما تدربي نفسك على كده ولا اي حاجه خااااالص
3/ حطي الحديث دا قدامك علطوووووووول
هاتي ورقه كده كبيرة واكتبيه بخط حلو واعملي في اشكال كده حلوة وعلقيه قصادك
عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرنيفي نفسه ذكرته في نفسي ، وإن ذكرني في ملإ ذكرته في ملإ خير منهم ، وإنتقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ،وإن أتاني يمشي أتيته هرولة ) .رواه البخاري و مسلم
الرئيسية
اليومية
