ارفع راسك فوق انت مصري ... مكتوب عليك تشوف عنيك الموت الحصري

ارفع راسك فوق انت مصري ...

مكتوب عليك تشوف عنيك الموت الحصري

في كل مكان في الشوارع والميدان

والجوامع والبيوت شباب بريئ عمال بيموت

ارفع راسك فوق وافتخر انك من مصر

الظلم باين في كل مكان في عز الضهر وعز العصر

والخيانة شيئ اكيد مبقاش بعيد واللعب بقى مكشوف

عيزين يعيشونا في رعب وخوف

واللي جبناهم يحمونا موتونا وعرونا

ارفع راسك وافتخر بان الحكم في بلادك لناس خاينة وحرامية

قتلو القتيل ومشيو في جنازته وعددود وقدمولو تحية

ارفع راسك كمان وكمان علي صوتك في كل مكان

وغني واعمل زيهم قول كلام معكوس يمكن يوصلهم

[[ مصر يما يابهية يا ام طرحة وجلابية ]]

الطرحة سودة وجلابية بلون الدم وبهية شعرها شاب من كتر العذاب والهم

وولاد بهية خسروا القضية من رعبهم والخوف

وكبروا فيها وعجزا وضهرهم مكشوف

ارفع راسك فوق واهتف براية النصر

وقول صباح الخير على كل اللي ماتو في ميدان مصر

صباح الجثة في اللفة شهيد والنعش في الزفة

صباح ساطع بلون الدم صباح مليان بهم وغم

صباح يطلع يقتلنا احنا وعيالنا في عز العصر

سلامتك يما يا بهية من حكام البلد دية

سلامتك م اللي حكمينك وزرعين فيكي سككينك

سلامتك م اللي نهبوكي وسرقوكي وعروكي

سلامتك م اللي بيعينك وعاملين فيها حميينك

سلامتك من الام الغدر ومن بردك في عز الفجر

سلامت ارضك الطاهرة من النية اللي مش ظاهرة

وخوفي عليكي من القهرة وعدم النصر

بقلمي محمد صلاح